2016 جىلعى 23 مامىر, استانا, ۇكىمەت ءۇيى
«سىيعا تارتۋ شارتى بويىنشا مەملەكەتتىڭ م ۇلىك قۇقىعىنا يە بولۋ قاعيداسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2011 جىلعى 28 قىركۇيەكتەگى №1103 قاۋلىسىنا وزگەرىس ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
1. «سىيعا تارتۋ شارتى بويىنشا مەملەكەتتىڭ م ۇلىك قۇقىعىنا يە بولۋ قاعيداسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2011 جىلعى 28 قىركۇيەكتەگى №1103 قاۋلىسىنا (قازاقستان رەسپۋبليكاسىنىڭ ءپۇاج-ى, 2011 ج., №55, 784-قۇجات) مىناداي وزگەرىس ەنگىزىلسىن:
كورسەتىلگەن قاۋلىمەن بەكىتىلگەن سىيعا تارتۋ شارتى بويىنشا مەملەكەتتىڭ م ۇلىك قۇقىعىنا يە بولۋ قاعيداسىندا:
15-تارماقتىڭ ەكىنشى بولىگى مىناداي رەداكتسيادا جازىلسىن:
«بيۋدجەتكە سالىقتىق ەمەس تۇسىمدەر بولىپ تابىلاتىن كورسەتىلگەن اقشالاي قاراجاتتى ءتيىستى بيۋدجەتكە اۋدارۋدى مەنشىك يەسى وسى قاعيدانىڭ 7-تارماعىندا كوزدەلگەن شەشىم قابىلدانعاننان كەيىن كۇنتىزبەلىك جيىرما كۇن ىشىندە بيۋدجەتتىك جوسپارلاۋ جونىندەگى ورتالىق ۋاكىلەتتى ورگان بەكىتەتىن بىرىڭعاي بيۋدجەتتىك سىنىپتامانىڭ ءتيىستى كودتارىنا جۇرگىزەدى. مەنشىك يەسىنىڭ بولاشاقتا م ۇلىك قۇقىعىن مەملەكەتتىك مەنشىككە وتەۋسىز بەرۋ ۋادەسىن قامتيتىن سىيعا تارتۋ شارتى بويىنشا اقشالاي قاراجاتتى اۋدارۋ سىيعا تارتۋ شارتىندا بەلگىلەنگەن مەرزىمدە جۇزەگە اسىرىلادى.».
2. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ